@franz, jo hob i gesehen *ggggg* war a wahnsinn. im vorfeld is nur über die höhe des sieges von
bremen diskutiert worden *lol* und dann 1:0, 1:1, 2:1, 2:2, usw *g*
aber wenigstens hab die "spione" von bremen recht ghabt das die gegner nach aner guten stund eingehen.
allerdings hätts mi interessiert, was gwesen wär, wenn die 3:2 in führung gangen wäre *lol*
und pauli, jo a waunsinn
pipifeines konterspiel; technisch den aachenern weit überlegen und
wennst so die einweihung vom neuen tivoli feiers, na bravo. vor allem, bei pauli rennts so wie in der saison
wos aufgstiegen san in die erste liga. 1. spiel daheim 2:1 gwonnen (sogar gegen selben gegner), 2. spiel auswärts damals
auch 5:0 gwonnen. do bleim ma a dro *g*
a jo, der fan was du manst franz is über an absperrungszaun klettert und sechs meter mitn schädl am betonboden aufdonnert,
schwebt in lebensgefahr mit schwersten kopfverletzungen.
zur cl und uefa-league, najo rapid bravo, aston villa klopfst ned so leicht nieder; beeindruckend war diesmal die defensivleistung
der hütteldorfer; da hesky (schreibt ma den so? *g*) war total abgmeldet bis auf an schuss, und wenn da hofmann den no in da zweiten
halbzeit versenkt hätt und rapid 2:0 gwonnen hätt, dann würd i sogor aufn aufstieg wetten. jetzt hasts erstmol in england defensiv so stehn
wia daham und dann an konter fürs auswärtstor fahren!
austria, spitzenleistung, nur da djabang ghert für die blödheit glei zu die amateure gschickt, hat da austria den sieg und wahrscheinlich sogar no
an höheren kostet, aber trotzdem, auswärts 2:2 is spitze, weil die ukrainer spielerisch ned schwoch san. jetzt daham nur ned wieder so a match
wia gegen novi sad, weu dann san meine nerven zum weghauen.
sturm *pfff* des erwartete unentschieden, a wenns tor von die charkiv abseits war, war da ausgleich verdient (leider); aber i sags immer wieder besser daham
1:1 spülen, als 1:0 gwinnen. beim 1:0 sieg würd sturm sie mit sicherheit defensiver einstellen und auf verwalten spielen, und des wär gor ned guat; jetzt aber müss ma wos tuan und wenn sturm gfordert is, des spiel zu machen, dann hamms immer am besten gspielt. i hoff mia steigen a auf (aber realistische einschätzung 65:35 für die
ukrainer)
salzburg, na bitte, do kannst die verstecken; offensive aufstellung, und wiederamol kennan sie sie ba an "altherrn" bedanken, dass no a klaner funken chance lebt. wir hoffen amol auf a spiel wie gegen zagreb. 2:1 auswärts, dann verlängerung und dann schiasst da janko in da 114 des 3:1 (boah i bin jo a prophet *g*) na, aber i glaub
ned, dass salzburg weiter kummt, san eh fix in da euro-league dabei!
so kurz no bl des wochenend: da erste punkt is do für die kärntner *g* ausgrechnet gegen ried. und da schinkels hod gmant, wennst ned absteigen willst muss a amol mit 1 punkt zufrieden sein *g* i pack eam ned. aber wennst lauter unentschieden spüst steigst immer no ab
sonntag dann da hammer zwischen sturm und austria, wird da erste richtige härtetest für die grazer, weil die austria a stark ansteigende form hat, und die jungen bei sturm mit dem eurocup a bisserl zu tun ham; aber i tipp trotzdem auf 2:0 für stum (jo was eh, bin a steirer *g*) bled is heut nur das da haas und da kienzl fehln
Wr. Neustadt gg Salzburg tipp i auf 1:3 (die salzburger müssen sie den frust wegschiessen); Kapfenberg vs Mattersburg (dees is brutalität *g*) 2:2, rapid gg lask 4:1 (da mayrleb is immer für a tor guat) *g*
sodala i hob mi auslossn *g*
lg mario
Ps: bayern münchen muss heut gwinnen sonst hams den schlechtesten start seit 43 johr; mal schaun wia sie da ivanschitz gegen die bayern anstellt!
, die besten Spieler von Salzburg Tchoyi, Sekagya, Svento!
:)
Wahnsinnsspiel 
) für die Israelis! *
